حلوى بكريمة البرتقال

المقادير:

- 2بيض

- 150غ سكر

- 100غ زيت

- م ص خميرة الحلويات

- علبة ياغورت طبيعي 

- رشة ملح

- فانيليا او بشر الليمون

- 150غ فرينة

كريمة البرتقال:

- عصير 6 حبات برتقال(من الحجم الكبير)

- 3 م ك من السكر

- م ك من نشاء الذرة 

- م ص من الزبدة

■ نضع كل هذه المكونات في كاسرول بإستعمال فوي أو ملعقة خشبية نحرك جيدا حتى نتحصل على خليط متجانس ثقيل نطفىء النار و نضيف الزبدة نحركها حتى تذوب.

■ نضعها في صحن نغطيها ببلاستيك غذاءي و نتركها في الثلاجة حتى تبرد

طريقة التحضير:

- بإستعمال خلاط كهرباءي نمزج البيض مع السكر, فانيليا ، رشة الملح ثم نضيف الزيت بالتدريج .

- نضيف الياغورت الطبيعي.

- ننخل الفرينة مع الخميرة و نضيفها للخليط .

- ناخذ مول السيليكون على شكل وردة نضع فيه م ك من الخليط لا نملأه كثيرا .

- ندخله الفرن مسخن مسبقا على 200° لمدة 15 دقيقة فقط .

- فور اخراجها نضعها في صحن نتركها حتى تبرد ثم نضع عليها في الوسط كريمة البرتقال أو الليمون أو شكولاطة حسب الذوق و الرغبة .